Daw’r tenor Robyn Lyn Evans yn wreiddiol o Bont-rhyd-y-groes yng Ngheredigion, ond mae bellach yn byw ym Machynlleth. Graddiodd o Goleg y Drindod Caerfyrddin lle dyfarnwyd iddo ysgoloriaeth Stuart Burrows ac o’r Coleg Cerdd Brenhinol, Llundain.
Dechreuodd ganu yn eisteddfodau Cymru ac ymysg ei lwyddiannau mae Canwr Ifanc Rhyngwladol y Flwyddyn Llangollen, Gwobr Goffa Osborne Roberts, Rhuban Glas Eisteddfod Llanbedr Pont Steffan a Gwobr Goffa David Ellis.
Mae ei rannau operatig yn cynnwys Rodolfo (La Bohème), Cavaradossi (Tosca), Don José (Carmen), Alfredo (La Traviata), Il Duca (Rigoletto), Macduff (Macbeth), Lensky (Eugene Onegin), Ismaele (Nabucco), Don Ottavio (Don Giovanni), Pinkerton (Madam Butterfly), Rinuccio (Gianni Schicchi), Fenton (Falstaff) and Nemorino (L’elisir d’amore) i gwmnïau opera cenedlaethol a theithiol.
Fe’i clywir yn aml mewn cyngherddau ac mae wedi rhyddhau dwy record ar ei ben ei hun: ROBYN LYN…tenor a Robyn Lyn Evans Tenor Ah! mes amis.