un o’r operâu comig Eidalaidd gorau a harddaf
Mae Opera Canolbarth Cymru yn falch iawn o gyhoeddi bod y soprano Gymreig-Wcreinaidd Natalya Romaniw wedi dod yn Noddwr Anrhydeddus newydd y cwmni.
Gwyliwch Natalya yn rhannu ei meddyliau am ddod yn noddwr anrhydeddus i ni ar YouTube.
Ganed Natalya yn Abertawe, ac mae hi wedi sefydlu gyrfa ryngwladol ar rai o lwyfannau opera mwyaf blaenllaw y byd, gan gynnwys y Tŷ Opera Brenhinol, Opera Cenedlaethol Cymru a’r Metropolitan Opera. Caiff ei chydnabod am ei llais pwerus a’i pherfformiadau grymus. Mae ei gwobrau’n cynnwys cael ei henwi’n Artist Ifanc y Flwyddyn yng Ngwobrau Cerddoriaeth Glasurol Gramophone a Gwobr y Canwr/Gantores yng Ngwobrau’r Gymdeithas Ffilharmonig Frenhinol yn 2020.
Mae Opera Canolbarth Cymru’n saernïo ac yn perfformio cynyrchiadau cyflawn a chartrefol mewn lleoliadau ledled Cymru a thu hwnt. Rydym yn gweld gwerth anferthol i opera ac yn mynd â chynyrchiadau sy’n ysbrydoli i theatrau a mannau lle mae’r cyfle i weld opera fyw yn brin a lle gellir cyrraedd at gynulleidfaoedd newydd. Rydym yn ymroddedig i feithrin, herio ac annog talent ifanc a ffres, gydag o leiaf 50% o gantorion y cwmni o dan 30 oed neu wedi gorffen eu haddysg o fewn y 4 mlynedd ddiwethaf.
Diolch i’r llif o gefnogaeth – ac arian! – gan ein cyfeillion a’n cefnogwyr, a gan selogion opera dros y wlad – a grant pwysig ofnadwy gan Gronfa Ffyniant Gyffredin Cyngor Sir Powys, rydym ni bellach wrthi’n datblygu ein cynlluniau artistig ar gyfer y ddwy flynedd nesaf.
Ymddiriedolaeth Elusennol Colwinston, Ymddiriedolaeth Opera Laidlaw, Ymddiriedolaeth Elusennol D’Oyle Carte, Ymddiriedolaeth Elusennol Garrick, Ymddiriedolaeth Gibbs, Elusen Gwendoline a Margaret Davies, Sefydliad Cymunedol Cymru ( Cronfa Gweithred Eglwys Powys), Cyngor Celfyddydau Cymru/Ariennir Gan Y Loteri/Llywodraeth Cymru, Ymddiriedolaeth Darkley, Ymddiriedolaeth Cerddoriaeth Canolbarth Cymru a Ffonic a llawer o roddwyr unigol – diolch yn fawr!
