Dewch yn Llu! Dewch yn Llu! Ac ymunwch â Chyfeillion Opera Canolbarth Cymru wrth i ni gychwyn ar daith i fyd hudolus “Commedia dell’arte” neu “Carnival!” yn Neuadd Gregynog, ger y Drenewydd!

Ymunwch â ni ddydd Sul 21 Gorffennaf, 2024, am 5pm i gael eich cludo i jiwbilî orfoleddus o gerddoriaeth ac opera dan gyfarwyddyd Charlotte Forrest, maestro’r alawon a meistr yr ifori!

Bydd y noson hon o gerddoriaeth fyw a chaneuon yn ddathliad gorfoleddus o gerddoriaeth ac opera, yn cynnwys cymeriadau o draddodiad comedïaidd yr Eidal. Boed yn yr awyr agored yng nghanol y gerddi ysblennydd neu dan do yn yr Ystafell Gerdd gysegredig, bydd yr arddangosfa ysblennydd yn syfrdanu! 

Sicrhewch eich tocynnau ymlaen llaw, gan fod perygl iddynt ddiflannu’n gyflymach na chwningen mewn het!

Bydd egwyl hir i fwynhau eich picnic, mynd am dro yn y gerddi rhestredig Gradd 1 gogoneddus neu fentro ymhellach i’r coetir hynafol. Bydd y caffi yn y Neuadd ar agor cyn y cyngerdd felly beth am gyrraedd yn gynnar! 

Gwahoddir aelodau’r gynulleidfa i ymuno yn yr hwyl i wneud y noson yn un i’w chofio trwy wisgo fel y cymeriadau lliwgar ac ecsentrig o draddodiad comedïaidd yr Eidal. Mwynhewch y gwisgo ffansi a pheidiwch â bod ofn bod yn fentrus a theatraidd! Y thema yw dathlu ysbryd “Commedia dell’arte” a ewch â’r cymeriadau bywiog yma’n fyw gyda’ch dewis o wisgoedd.