Cyffrous yw cael cyhoeddi cast cynhyrchiad cyntaf erioed Opera Canolbarth Cymru o opera arbennig Humperdinck am stori dylwyth teg Hansel a Gretel.
Bydd rhai wynebau cyfarwydd o daith Puss in Boots yn ymuno â ni gan gynnwys Philip Smith (Tad) ac Alys Mererid Roberts (Gretel) a byddwn hefyd yn croesawu’r perfformwyr ifanc talentog Charlotte Badham (Hansel), Sian Roberts (Tylwyth Teg y Gwlith) a Beca Davies (Huwcyn Cwsg) i’w cynhyrchiad cyntaf gydag OCC.
Pleser hefyd yw cael croesawu Rebecca Afonwy-Jones i rannau’r Fam/y Wrach (sefyllfa sy’n gyfarwydd i nifer o rieni o bosib). Mae Rebecca wedi canu i gwmnïau clodfawr dros Brydain a thu hwnt ac rydym ni wrth ein boddau ei bod yn dychwelyd i’n sir ni ac i’r sir lle’i magwyd, sir Drefaldwyn i ganu mewn cynhyrchiad OCC am y tro cyntaf.
Mae Hansel a Gretel yn agor yn theatr Hafren, y Drenewydd ddydd Sadwrn y 4ydd o Fawrth 2023 ac yna’n teithio dros Gymru a’r Gororau. Cewch y dyddiadau a’r manylion yma ar ein gwefan, ynghyd â bywgraffiadau ein cantorion.
