Bydd bwydlen dapas Opera Canolbarth Cymru o ddanteithion operatig am ddim yn dychwelyd i Pontio, Bangor ddydd Mercher, Mawrth 13eg am 6.30pm gyda phump o gantorion yn perfformio cerddoriaeth gan hoff gyfansoddwyr y byd opera gan gynnwys Mozart, Bizet a Puccini.

Mae cyngerdd ‘Operatif’ yn codi’r llen ar berfformiad Opera Canolbarth Cymru o Tosca Puccini ddydd Iau, Mawrth 14eg gyda’r soprano Elin Pritchard o Ogledd Cymru yn chwarae rhan y ddifa ar drengi.

Bydd perfformiwr gwadd, y tenor Robyn Lyn Evans, sydd ar daith ar hyn o bryd gydag Opera Cenedlaethol Cymru yn Roberto Devereux, Donizetti, yn rhan o raglen Operatif nos Fercher, yn ogystal â’r soprano Alys Mererid Roberts, sy’n perfformio ar daith Tosca Opera Canolbarth Cymru fel y Bugail/Bachgen Capel.

Robyn Lyn Evans as Vladimir Lensky in MWO’s 2018 tour of Tchaikovsky’s Eugene Onegin

 

Bydd dau ganwr o Fangor yn ymuno â Robyn ac Alys, sef y soprano Organ Prawang a’r bariton Kiefer Jones, yn ogystal â’r fezzo Erin Fflur Williams, sy’n astudio ar hyn o bryd yng Ngholeg Cerdd y Royal Northern. Jonathan Lyness, Cyfarwyddwr Cerdd OCC fydd yn cyfeilio.

Bydd y rhaglen yn cynnwys blas ar Tosca Puccini ym mherfformiad Robyn Lyn Evans o aria Cavaradossi, ‘E lucevan e stelle’ yn ogystal ag ariâu gan Carmen, ‘Summertime’ Gershwin o Porgy and Bess a ‘Fin ch’han dal vino’ o Don Giovanni Mozart.

Ymunwch â ni i fwynhau opera fyw mewn awyrgylch hamddenol a chyfeillgar ym Mar Ffynnon, Pontio o 6.30pm ddydd Mercher, Mawrth 13eg ac yna am 7.70pm ddydd Iau, Mawrth 14eg ar gyfer Tosca yn Theatr Bryn Terfel.

Blas ar opera am ddim!

Related Posts

Gadewch Sylw

Mae’r wefan yn defnyddio Akismet i leihau sbam. Mwy o wybodaeth.

Subscribe / Tanysgrifiwch

MWO news delivered straight to your inbox / Newyddion OCC wedi'u dosbarthu’n syth i chi

We need to confirm your email address. To complete the subscription process, please click the link in the email we just sent you.